बुटवल-नेपालमा सोमबार थप ३७ सय ९० जनामा कोरोना भाइरस (कोभिड–१९) संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा विभिन्न प्रयोगशालामा गरिएको १५ हजार ७१४ जनाको परीक्षणमा थप ३७ सय ९० जनामा कोरोना संक्रमण पुष्टि भएको हो ।

यससँगै कोरोना संक्रमितको संख्या एक लाख ३६ हजार ३६ पुगेको छ, जसमध्ये सक्रिय संक्रमितको संख्या ४० हजार ७७८ रहेको छ ।

यस्तै  नेपालमा पछिल्लो २४ घण्टामा थप २३ सय ३५ जना कोरोना भाइरस (कोभिड–१९) संक्रमणमुक्त भएका छन् ।

सोमबारको प्रेस ब्रिफिङमा स्वास्थ्य तथा जनसंख्या मन्त्रालयले आज थप २३ सय ३५ संक्रमित निको भएको जानकारी दिएको छ ।

यससँगै कोरोनाबाट मुक्त हुनेको संख्या ९४ हजार ५०१ पुगेको छ । कूल संक्रमितमध्ये ६९.५ प्रतिशतले कोरोना जितेको मन्त्रालयका प्रवक्ता प्रा. डा. जागेश्वर गौतमले जानकारी दिए ।

यसैबिच

नेपालमा पछिल्लो २४ घण्टायता थप १८ जना कोरोना भाइरस (कोभिड–१९) संक्रमितको मृत्यु भएको छ ।

स्वास्थ्य तथा जनसंख्या मन्त्रालयले नियमित प्रेस ब्रिफिङका क्रममा आज थप १८ जनाले कोरोनाबाट ज्यान गुमाएको जानकारी दिएको छ ।

यससँगै कोरोनाबाट मृत्यु हुनेको संख्या ७५७ पुगेको छ ।