बुटवल ।
लुम्बिनी प्रदेशमा बुधबार थप १ सय ६ जनामा कोरोना भाइरस संक्रमण पुष्टि भएको छ ।
पछिल्लो २४ घण्टामा प्रदेशमा ४६ महिला र ५९ पुरुष गरी १ सय ६ जनामा कोरोना भाइरस संक्रमण पुष्टि भएको प्रदेश सामाजिक विकास मन्त्रालयका सूचना अधिकारी डा.पुष्पराज पौडेलले जानकारी दिए ।
यससँगै लुम्बिनी प्रदेशमा कोरोना संक्रमितको संख्या २१ हजार १७ पुगेको छ ।
लुम्बिनी प्रदेश अन्तर्गत बुधबार सबैभन्दा धेरै रुपन्देही जिल्लाका ५५ जना,पाल्पाका २७ जना,बाँकेका १७ जना,बर्दीयाका ४ जना तथा कपिलवस्तु र प्यूठान जिल्लाका १÷१ जनामा कोरोना भाइरस संक्रमण पुष्टि भएको छ ।
पछिल्लो २४ घण्टामा प्रदेशका २ सय १६ जना कोरोना संक्रमित उपचारपछि निको भएर घर फर्कीएका छन् भने १० जनाको मृत्यु भएको सामाजिक विकास मन्त्रालयले जनाएको छ ।
प्रदेशमा हालसम्म १७ हजार ५ सय ४१ जना कोरोना संक्रमित उपचारपछि निको भएर घर फर्कीएका छन् भने २ सय १६ जनाको मृत्यु भएको छ ।
हाल प्रदेशभर १ हजार ३२ जना सक्रिय संक्रमित रहेका छन् ।
प्रकाशित मिति : बुधबार, कार्तिक २६ २०७७
कम्पनी दर्ता न २२६१५४ ०७६/०७७
सुचना तथा प्रसारण बिभाग दर्ता न. १६५३ ०७६/०७७
प्रेस काउन्सिल ३६९ ०७६/०७७
जनता टुडे मिडिया प्रा. लि
सम्पर्क : ९८४७००९२८१, ९८६७११५१०३
तिलोत्तमा नगरपालिका-२, रुपन्देही
इमेल : [email protected]
प्रतिक्रिया दिनुहोस्