बुटवल,
संसद विघटनको विरोधमा मानव अधिकार तथा शान्ति समाज रुपन्देहीले आज बुटवलमा प्रदर्शन गरेको छ । कार्यक्रममा बोल्दै केन्द्रीय वरिष्ठ उपसभापति गोविन्द खनालले लोकतन्त्र पुनः धरापमा परेको बताउनुभयो ।
सरकारले आफूले गरेका भ्रष्टाचार र असफलतालाई लुकाउन नसक्दा लोकतन्त्रलाई नै धरापमा राखेको उहाको बताउनुभयो ।
लोकतन्त्रलाई बचाउन शान्तिबादी तथा लोकतन्त्रवादीहरु फेरि सडकमा आउनु परेको उहाले बताउनुभयो । नेपाल प्राध्यापक संघका अध्यक्ष बुद्ध बहादुर थापाले विघठित प्रतिनिधीसभा संसदलाई पुनर्गठनका लागि विरोधका कार्यक्रम जारी राख्नुपर्ने बताउनुभयो ।
मानव अधिकार तथा शान्ति समाजका सभापति डि पी खनालले संसद विघटन गर्ने जस्तो अलोकतान्त्रिक कदमलाई आफूहरुले कुनै हालतमा स्वीकार गर्न नसक्ने बताउनुभयो ।
कार्यक्रम समाजका उपसभापति कृष्ण चौहान क्षेत्री स्वागतमा भएको थियो । बुटवलको राजमार्ग चौराहामा भएको कार्यक्रममा सहभागिले प्ले कार्ड समेत बोकेका थिए ।