काठमाडौं – संसद् विघटनको विरोधमा विवेकशील पार्टीले प्रदर्शन गरेको छ । विवेकशीलले सोमबार काठमाडौंको माइतीघर मण्डलामा प्रदर्शन गरेको हो ।

विभिन्न सांस्कृतिक पहिरनमा उपस्थित भएका विवेकशीलहरुले संसद् [प्रतिनिधि सभा] पुनर्स्थापनाको शान्तिपूर्ण माग गरेका छन् ।

उनीहरुले ‘अमर रहोस् लोकतन्त्र, अन्त्य होस् लूटतन्त्र, नागरिकको साथ छ, मात्र सर्वोच्चको आश छ’लगायतका नारा लेखिएको प्लेकार्ड तथा पम्पलेटहरु बोकेका थिए ।

गत ५ पुषमा प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले प्रतिनिधि सभा विघटन गरेपछि अहिले राष्ट्रिय राजनीति सडक केन्द्रित छ ।