काठमाडौं – प्रधानमन्त्री केपी शर्मा ओलीले प्रतिनिधि सभालाई अकर्मण्यतामा फसाइएपछि विघटन गरेको बताएका छन् । शुक्रवार राष्ट्रको नाममा सम्बोधन गर्दै प्रधानमन्त्री ओलीले यस्तो बताएका हुन् । प्रधानमन्त्री ओलीले भने— ‘प्रतिनिधि सभालाई अकर्मण्यतामा फसाइएपछि विघटनको निर्णय लिनुपर्ने भयो ।’

आफूले प्रतिनिधि सभा पूरा कार्यकाल चलाउनको लागि प्रयास गरेको प्रधानमन्त्री ओलीले बताए । भने— ‘मैले यो प्रतिनिधि सभा पूरा कार्यकाल चल्न दिनको लागि धेरै समय प्रयास गरेको हुँ । तर, स्वार्थकेन्द्रित रुपमा दलहरु चल्न थालेपछि प्रतिनिधि सभा अकर्मण्यतामा फसाइयो । काम गर्न दिइएन ।’