काठमाडौँ । आईसीसी विश्वकप क्रिकेट लिग-टूअन्तर्गत ओमान र अमेरिकासँगको त्रिकोणात्मक शृंखला खेल्न नेपाली टोली ओमन प्रस्थान गरेको छ ।

१७ खेलाडीसहित २२ सदस्यीय नेपाली टोली मंगलबार बिहान सलाम एयरको विमानबाट ओमान प्रस्थान गरेको हो । प्रतियोगिता भदौ २८ देखि असोज ४ गतेसम्म हुने तय भएपनि खेल तालिका भने सार्वजनिक भइसकेको छैन ।

शृंखलाअघि नेपालले ओमानमै पपुवा न्यूगिनीसँग दुईवटा मैत्रीपूर्ण एकदिवसीय खेल खेल्नेछ । त्यसअघि ओमान पुगेर नेपाली टिमले १ हप्ता विशेष प्रशिक्षण गर्ने क्यानले जनाएको छ । नेपाल र पपुवा न्यूगिनीको मैत्रीपूर्ण खेल भदौ २० र २३ गते हुने क्यानले जनाएको छ ।