७५ वर्षको उमेरमा पनि फिल्ममा फरक–फरक भूमिका निभाएर दर्शकको मन जित्न सफल बलिउड महानायक अमिताभ बच्चनले एक नयाँ रेकर्ड बनाएका छन् ।

सामाजिक सञ्जालमा सक्रिय रहने अमिताभ बच्चनको फेसबुकमा फलोअर्सको संख्या ३० मिलियन (३ करोड) नाघेको छ ।

फेसबुकमा ३० मिलियनभन्दा ज्यादा फलोअर्स भएको जानकारी उनी आफैँले दिएका हुन् । अमिताभले केही तस्बिरसहित लेखेका छन्, ‘फेसबुकमा ३० मिलियन फलोअर्स ! तपाईंहरूको यो प्रेमका लागि धन्यवाद !’

ट्विटरमा उनका ४३ मिलियन (३ दशमलव ४ करोड)भन्दा बढी फलोअर्स छन् भने इन्स्टाग्राममा ८ मिलियनभन्दा धेरै फलोअर्स रहेका छन् । हालै उनको ‘१०२ नट आउट’ फिल्म रिलिज भएको थियो । उक्त फिल्ममा अमिताभ र ऋषि कपुरले २७ वर्षपछि स्क्रिन सेयर गरेका थिए ।