बुटवल-रुपन्देहीको मधुवानीमा एक दिने निःशुल्क आँखा शिविर कार्यक्रम सम्पन्न भएको छ ।
बुटवल लायन्स आ“खा अस्पताल, बुटवल एवम् सामुदायिक सिकाई केन्द्र मधुवानी संगको संयुक्त आयोजना तथा Dak Foundation, Partners for Equity को आर्थिक सहयोगमा लुम्बिनी सांस्कृतिक नगरपालिका, वडा नम्बर १०, मधुवानी मा एक दिने निःशुल्क आ“खा शिविर कार्यक्रम सामुदायिक सिकाई केन्द्र मधुवानीका अध्यक्ष सुग्रीव यादव ज्यूको अध्यक्षतामा सम्पन्न भएको हो । उक्त कार्यक्रममा २६० जना आँखाका विरामीहरुको आँखा परिक्षण गरिएको थियो ।
जसमा ३५ जना विरामीहरुमा मोतिविन्दु फेला परेको थियो भने अन्यमा सामान्य आँखा सम्बन्धि समस्या देखा परेको थियो । शिविरमा मोतिविन्दु फेला परेका ३५ जना विरामीहरुलाई थप उपचारका साथै निःशुल्क मोतिविन्दु शल्यक्रिया सेवाको लागि बुटवल लायन्स आँखा अस्पताल ल्याई शल्यक्रिया गरिने जानकारी अस्पतालका प्राविधिक मनोहर न्यौपानेले जानकारी गराउनुभयो ।