बुटवल । रुपन्देहीमा जारी दोस्रो जनज्योती कप नकआउट फुटबल प्रतियोगितामा फुलबारी गाईज विजयी भएको छ ।

जनज्योती क्लब डिङ्गरनगरको आयोजनामा जारी प्रतियोगितामा फुलबारीले देशभक्त युवा क्लब मगरमुढालाई ३–१ गोलले पराजित गर्दै विजयी भएको हो ।

तिलोत्तमा नगरपालिकाको जनज्योती खेलमैदानमा शनिबार भएको खेलमा फुलबारीको जितमा सबि गुरुङ्गले खेलको ३० औ र ५१ औ मिनेटमा गोल गरेका थिए । यसैगरि खेलको ४५ औ मिनेटमा क्षितिज राज जिटीले एक गोल थपे ।

देशभक्तका तर्फबाट विश्वास श्रेष्ठले खेलको ६५ औ मिनेटमा सान्त्वना गोल गरेका थिए । खेलमा फुलबारीका सबि गुरुङ्ग म्यान अफ दी म्याचबाट पुरस्कृत भएका थिए ।

प्रतियोगिता अन्तरगत आईतबार न्यु सिर्जना युवा क्लब करौजिया र सुनौलो संगम क्लबका खेल हुनेछ ।