दैनिक कामकारबाही र जीवनयापनमा भाषाले अग्रस्थान ओगटेको हुन्छ । आफ्नै मातृभाषामा विद्यालय अनि विश्वविधालयका पाठ्यक्रमहरु उपलब्ध हुँदा अध्ययन सहज हुन्छ । राष्ट्रिय भाषासँगै मातृभाषाबाट मान्छेलाई बुझाइ सहज बनाउनु पनि मानव अधिकारसँग जोडिएको विषयवस्तु हो ।

मातृभाषाले बुझाइ र सिकाइलाई सहज एवम् सरल बनाउँछ । भारतबाट पाकिस्तान छुट्टिएपछि अहिलेको बङ्गलादेशलाई पूर्वी पाकिस्तान भनिन्थ्यो । आजको दिन सन् १९५२ मा बङ्गाली भाषाको औपचारीक प्रयोगका लागि बङ्गला युवाहरुले गरेको प्रदर्शन अनि त्यसमा मारिएका भाषाप्रेमी सहिदहरुको बलिदानको सम्झना स्वररूप यो दिवस मनाउन थालिएको हो ।

दिवसका अवसरमा मातृभाषाको महत्व र यसको संरक्षणमा विशेष जोड दिने गरिएको छ । सन् २००२ मा आजकै दिन लोप हुन लागेका करीब तीन हजार भाषाप्रति मानिसहरुको ध्यानाकर्षण गराउने औपचारिकताको आरम्भव भएको थियो ।