मुम्बई । बलिउडका सुपरस्टार सलमान खानको विवाहको विषयमा धेरैजसो स्थानमा प्रश्न गरिने गरिन्छ ।

भारतीय कमेडियन कपिल शर्माको सो ‘द कपिल शर्मा शो’मा पुगेका उनलाई पनि यस विषयमा प्रश्नको वर्षा भएको छ ।

विवाहबारे प्रश्न गर्दै कपिलले सलमानलाई दीपीका पादुकोण र प्रियंका चोपडाको उदाहरण गर्दै विवाह गर्दै उनको राय मागेका थिए ।

यस विषयमा उनले जवाफ दिँदै भारत फिल्ममा आफ्नो विवाह ७२ वर्ष हुँदासम्म नहुने र आफू पनि त्यसैलाई पछ्याउँदै अघि बढिरहेको जवाफ दिएका थिए ।
कपिलको शो मा सलमानको अन्य व्यक्तिगत विषयहरुमा पनि प्रश्न उठेका थिए ।

यसमा पनि सलमानले ठट्यौली शैलीमा उत्तर दिएका थिए ।

भारतीय कमेडी शो ‘द कपिल शर्मा शो’ गत साताबाट पुनः शुरु भएको छ ।