काठमाडौं – नेपालमा गत चौबीस घण्टामा जम्मा ७८ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरबाट १ हजार ३८४ जनाको पीसीआर विधिबाट परीक्षण गर्दा ६० जनामा संक्रमण पुष्टि भएको छ ।

यस्तै २ हजार १३१ जनाको एन्टीजेन विधिबाट परीक्षण गर्दा १८ जनामा कोरोना संक्रमण देखिएको छ । नेपालमा हाल ५०८ जना सक्रिय संक्रमित छन् ।

त्यस्तै, गत चौबीस घण्टामा थप २३ जना कोरोना भाइरस संक्रमण मुक्त भई डिस्चार्ज भएका छन् ।योसँगै नेपालमा कोरोना संक्रमण मुक्त भई डिस्चार्ज हुनेको संख्या ९ लाख ६७ हजार ५९८ जना पुगेको मन्त्रालयले जनाएको छ । नेपालमा संक्रमण मुक्त हुनेदर ९८ दशमलव ७ प्रतिशत छ ।

त्यस्तै, गत चौबीस घण्टामा थप ८८ हजार ६४४ जनाले कोरोना भाइरसविरुद्धको खोप लगाएका छन् ।