बुटवल । अभिनेत्री तथा निर्देशक झरना थापाकी छोरी सुहाना थापाको डेब्यु सिनेमा ए मेरो हजुर ३ को टिजर सार्वजनिक भएको छ ।

आईतबार निर्माण पक्षले सिनेमाको टिजर सार्वजनिक गरेको हो ।

१ मिनेट लामो टिजरमा सिनेमाका दुई मुख्य कलाकार अनमोल केसी र अभिनेत्री सुहाना थापालाई देख्न सकिन्छ ।

झरना थापाको निर्देशनमा तयार भएको यो सिनेमा म्यूजिकल लभ स्टोरी जनरामा तयार भएको हो । सिनेमामा अनमोल र सुहानासँगै अर्पण थापाको मुख्य भूमिका छ ।

नयाँ वर्षको छेको पारेर चैत्र २९ गतेबाट प्रदर्शनमा आउने यो सिनेमाको छायाकंन नेपाल र अमेरिकामा गरिएको हो ।