बुटवल । नेपाल प्रेस युनियन रुपन्देहीले शिक्षा पत्रकारीता पुरस्कार स्थापना, सल्लाहकार मनोनयन लगायतका निर्णय गरेको छ ।

युनियन रुपन्देहीकी सभापति रेखा भुसालको सभापतित्वमा आईतवार बुटवलमा बसेको कार्यसमीती बैठकले सल्लाहकारमा हरि लम्साल, माधव नेपाल, खिमानन्द भट्टराई, रामराज पोखरेल, भवानी प्रसाद पाण्डे, यमलाल भुसाल, डायलसन अधीकारी, शारादा मल्ल र बिक्रम खड्कालाई सल्लाहकार मनोनयन गरेको हो । सल्लाहकार मनोनयनसगै युनियनका गतीबीधीलाई थप प्रभवकारी बनाउन सहयोग पुग्ने अपेक्षा संस्थाले लिएको छ ।

त्यस्तै युनियन रुपन्देहीले शिक्षा पत्रकारीता पुरस्कार समेत स्थापना गर्ने भएको छ ।

पुरस्कारकालागी रु एकलाख अक्षय कोष स्थापनामा आर्थीक सहयोग गर्ने युनियनका सदस्य, शिक्षा प्रेमी एवं नेपाल शिक्षक सघं प्रदेस पाँचका महासचिव लाल प्रसाद पंगेनी (कृष्ण)लाई बैठकले बिषेस धन्यबाद समेत दिएको छ ।

यसअघी युनियन रुपन्देहीले जिपी कोईराला स्मिृती उत्कृष्ट पत्रकारीता पुरस्कार समेत बितरण गर्दै आएको छ ।

शिक्षा पत्रकारीता पुरस्कारकालागी एकलाख युनियनलाई प्रदान गर्ने घोषणा पगेंनीले गरेका छन् ।
उक्त पुरस्कारकालागी निर्देसीका बनाएर प्रत्येक बर्ष शिक्षा क्षेत्रमा योगदान गर्ने एक जना पत्रकारलाई बितरण गर्ने गरी तयारी सुरु गरीएको सचिव श्यामशंकर पाण्डेले जानकारी दिए ।

युनियन रुपन्देहीले यसअघी गत तिहारमा खेलेको दैउसी भैलोमा उठेको रकमबाट पत्रकार कल्याण कारी कोष बृद्धी गर्दै दुईलाख पुर्याउने निर्णय समेत गरेको थियो ।

बैठकले हालैसम्पन्न भएको बनभोज कार्यक्रम सभ्य र भब्य रुपमा सम्पन्न भएको निकर्ष निकाल्दै उत्त कार्यक्रममा सहयोग गर्ने सवैलाई धन्यबाद ज्ञापन समेत गरेको छ ।