बुटवल

बुटवलमा बुधबार राती भएका कार दुर्घटनामा तीन जनाकाे मृत्यु भएकाे छ । पाल्पाकाे नुवाकाेटबाट बुटवल जाँदै गरेकाे लु २ च ८५३१ नम्बरको कार बुधबार साँझ करिव ९ बजेतिर बुटवल १३ बंदेलपोखरी माथिको सडकबाट खस्दा कार चालक बुटवल १० का ५६ वर्षीय रामप्रसाद शर्मा (छविलाल शर्मा), तिलोत्तमा ३ की ५७ वर्षीया आशा श्रेष्ठ र ५० वर्षीया भगवती श्रेष्ठको मृत्यु भएको प्रहरीले जनाएको छ ।
दुर्घटनामा परि गम्भीर घाईते उनीहरुकाे उपचारकाे लागि लुम्बिनी प्रादेशिक अस्पताल बुटवल लगिएकाेमा डाक्टरले मृत्यु घाेषणा गरेका हुन् । दुर्घटनामा परि अरु दुई जना घाईते भएका छन् । घाईते बुटवल ९ कि चन्द्रा श्रेष्ठ र बुटवल ११ लक्ष्मीता श्रेष्ठकाे लुम्बिनी प्रादेशिक अस्पतालमा उपचार भैरहेको छ ।