तिलोत्तमा,

रुपन्देहीको तिलोत्तमा नगरपालिका वडा नं  ४ शंङ्करनगरस्थित सिद्धार्थ मा. वि . मा सुरु भएको खेल महोत्सव २०८१ सम्पन्न भएको छ ।

विद्यार्थीहरुमा रहेको अन्तरनिहित प्रतिभा प्रस्फुटन गराउने उद्देश्यले गत शनिबारबाट सुरु भएको खेल महोत्सव सोमबार एक समारोहका बिच सम्पन्न भएको हो । समापन समारोहमा विद्यालयका प्राचार्य यम बहादुर रानाले खेलकुदको महत्वबारे प्रकाश पार्नुभएको थियो । साथै उहाँले खेल महोत्सव अवधिभर सबै विद्यार्थीहरुले देखाएको अनुशासन र सक्रियताको प्रशंसा गर्दै सबैलाई धन्यवाद दिनु भएको थियो । खेल महोत्सवको अन्तिम दिन जुनियर, मिडल र सिनियरतर्फ १००×४ रिले दौड, मिडल र सिनियरतर्फ ४०० मिटर दौड, टग अफ वार, म्युजिकल चियर लगाएतका खेलहरु सम्पन्न भएका छन् । प्रत्येक वर्ष जस्तै ३ कि।मि। को छात्र÷छात्रा क्रस कन्ट्री पनि सम्पन्न भएको छ । शिक्षक शिक्षिका तथा कर्मचारीहरुका लागि पनि टग अफ वार, प्लेट रेस र घैटो फुटाउने लगाएतका विभिन्न खेलहरु भएका थिए । खेल संयोजक मेघराज भट्टराइले संचालन गरेको कार्यक्रममा विद्यार्थीहरुले बिचबिचमा विभिन्न सांस्कृतिक कार्यक्रमहरु प्रस्तुत गरेका थिए । विजयी विद्यार्थीहरुलाई बिद्यालयका प्रधानाध्यापक , बिद्यालय ब्यवस्थापन समिति अध्यक्षले प्रमाणपत्रद्वारा पुरस्कृत गरिएको थियो ।