काठमाण्डौ – चैते दशैँको अवसर पारेर चलचित्र ‘वसन्त’ आजदेखि प्रदर्शनमा आएको छ । प्रकाश सपूतको डेब्यु निर्देशन रहेको चलचित्रको मुख्य भूमिका प्रकाश स्वयंकै रहेकाे छ ।

गलबन्दी प्रोडक्सनको प्रस्तुतिमा बनेको सोसल ड्रामा ‘वसन्त’ को कथा, पटकथा र सङ्गीत निर्देशककाे भूमिकामा पनि सपूतलाई नै देख्न सकिन्छ ।

चलचित्रमा प्रकाशसँगै नायिका स्वस्तिमा खड्का, प्रभात पाल ठकुरी, श्री शिभान्सी, उर्मिला लाम्गादे र खड्कबहादुर पुन, अनुप बराल, कमलमणि नेपाल, प्रकाश घिमिरे, विशाल पहारीको अभिनय रहेको छ ।

चलचित्रले नेपालभरका हलमा उच्च शो पाएको छ । विपन्न विश्वकर्मा समुदायको छोराको लेखक बन्ने सपना र लक्ष्य हासिल गर्न उसले गर्ने सङ्घर्षको कथा चलचित्रले समेटेकाे छ ।