काठमाडौं । सुधन गुरुङले ३६ वर्षसम्म सुरक्षाकर्मीमाथि अन्याय भएको संकेत गर्दै कडा टिप्पणी गरेका छन् । आइतबार सामाजिक सञ्जालमार्फत स्टाटस सार्वजनिक गर्दै उनले “३६ वर्षसम्म हतकडी सुरक्षाकर्मीलाई लगाइदिएको रहेछ” भन्ने टिप्पणी गरेका हुन्

राष्ट्रिय स्वतन्त्र पार्टी नेतृत्वको सरकारमा गृहमन्त्री रहेका गुरुङले शपथ लिएयता पूर्वप्रधानमन्त्री केपी शर्मा ओली र पूर्वगृहमन्त्री रमेश लेखक लगायतका उच्च राजनीतिक व्यक्तित्वहरू पक्राउ परिसकेका छन् ।

यसैबीच शनिबार काठमाडौं उपत्यकाका विभिन्न स्थानबाट गुन्डागर्दीमा संलग्न भएको आरोपमा प्रहरीले विभिन्न व्यक्तिहरूलाई पनि नियन्त्रणमा लिएको छ ।

पछिल्ला यी घटनाक्रमले देशको राजनीतिक तथा सुरक्षा परिस्थितिबारे नयाँ बहस सिर्जना गरेको छ ।