काठमाण्डाै – सरकारले सुरक्षण मुद्रण केन्द्रलाई निजी क्षेत्रसँग प्रतिस्पर्धा गर्ने गरी सूचीकृत गर्ने निर्णय गरेको छ ।

आज बसेको मन्त्रिपरिषद् बैठकले केन्द्रलाई निजी क्षेत्रसँग प्रतिस्पर्धा गरी व्यापारिक कारोबार गर्ने गरी सार्वजनिक निकायमा सूचीकृत समावेश गर्ने निर्णय गरेको सरकारका प्रवक्ता एवम् शिक्षा, विज्ञान तथा प्रविधिमन्त्री सस्मित पोखरेलले जानकारी दिनुभयो । उहाँले यसबारे नेपाल राजपत्रमा सूचना प्रकाशन गरिने पनि बताउनुभयो ।

बैठकले भन्सार नियमावली २०८३ स्वीकृत गर्ने पनि निर्णय गरेको प्रवक्ता पाेखरेलले जानकारी दिनुभयो ।