काठमाडौं । प्रतिनिधिसभाको तेस्रो बैठक पनि अवरुद्ध भएको छ

सभामुख डीपी अर्यालले बैठक संचालन गर्न खोज्दा प्रतिपक्षी दलका सांसदहरु उठेर विरोध जनाए पछि भोलि बिहान ११ बजेसम्मका लागि बैठक स्थगित भएको छ।

यसअघि आज बिहान ११ बजेबाट सुरु भएको बैठक नियमित कार्यसूचीमा प्रवेश गर्ने क्रममा प्रतिपक्षी दलका सांसदहरुले प्रधाननमन्त्रीको उपस्थित नभएसम्म बैठक अघि बढ्न नसक्ने भन्दै अवरोध गरेका थिए । त्यसपछि पहिलो पटक स्थगित भएको बैठक दोस्रो पटक पनि अवरोधपछि स्थगित भएको थियो ।

सरकारको नीति तथा कार्यक्रम छलफलका लागि टेबल गर्न प्रतिपक्षी दलहरु सहमत भएपनि प्रधानमन्त्रीलाई जवाफ दिनका लागि उपस्थित हुन रुलिङ गर्नुपर्ने माग प्रतिपक्षी दलहरुले गरेका थिए ।