बुटवल । सरकारले वर्षौँदेखि बस्दै आएका लालपुर्जाविहीन बस्तीमा डोजर चलाएर आतङ्क मच्चाएको भन्दै बुटवलमा आज सुकुम्वासी, भूमिहीन तथा अव्यवस्थित बसोबासीले प्रदर्शन गरेका छन् ।

नेपाल भूमिहीन सुकुम्वासी तथा अव्यवस्थित बसोबासी सङ्घर्ष समिति रुपन्देहीको आयोजनामा आज बुटवलमा प्रदर्शन भएको हो। बुटवलको राजमार्ग चौराहाबाट सुरु भएको प्रदर्शन ट्राफिक चोक पुगेर सभामा परिणत भएको थियो

सङ्घर्ष समितिका संयोजक खगेन्द्र पौडेलले सरकारले विना विकल्प गरिब सुकुम्वासी तथा अव्यवस्थित बसोबासीका घर टहरामा डोजर चलाएर उठीबास लगाउने कार्य गरेकाले त्यसको विरोधमा प्रदर्शन गरेको उनले बताए । सङ्घर्ष समितिले भोलि सोमबार बुटवलमा सम्मेलनको आयोजना गरेको छ ।