काठमाडौँ ,सरकारले २५ वटा अत्यावश्यक सेवामा हडताल गर्न नपाउने सूचना प्रकाशित गरेको छ।

सरकारले हिजो सोमवार राजपत्रमा सूचना प्रकाशित गरेको हो।

सरकारले आवश्यक सेवा सञ्चालन ऐन २०१४ को दफा ३ को उपदफा १ ले दिएको अधिकार प्रयोग गरी सूचना जारी गरेको हो।

सरकारी सूचनाअनुसार डाक, तार वा टेलिफोन सेवा, जल, स्थल वा हवाईमार्गबाट यात्री वा मालसामान ओसारपसार गर्ने यातायात, प्रिन्ट वा सरकारी छापाखाना, सञ्चार सेवा, खानेपानी, पेट्रोलियम पदार्थ, अस्पताल, औषधि, फोहरमैला, बैंक, बीमा, विद्युत्, दैनिक उपभोग्य बस्तु राहदानी लगायतका क्षेत्रमा हडताल गर्न निषेध गरेको छ।