बुटवल । प्रहरीले भन्सार छलेका १४ थान आइफोन मोबाइल बरामद गरेको छ । बुटवलबाट काठमाडौँतर्फ आउँदै गरेको लु २ ख ६५६६ नम्बरको यात्रुवाहक बसबाट प्रहरीले अन्दाजी रु सात लाख बराबरको आइफोन मोबाइल बरामद गरेको हो ।

काठमाडौँको चन्द्रागिरि नगरपालिका–२ नागढुङ्गास्थित चेक प्वाइन्टमा बुटवलबाट काठमाडौँतर्फ जाँदै गरेको यात्रुवाहक बसलाई चेकजाँच गर्ने क्रममा प्रहरी प्रभाग नागढुङ्गाबाट खटिएका संयुक्त प्रहरी टोलीले कालो झोलामा राखी ल्याइएको बिलबिजक बिनाका उक्त आइफोन मोबाइल बरामद गरिएको प्रहरी उपरीक्षक पवनकुमार भट्टराईले जानकारी दिए ।

प्रहरीले बरामद मोबाइल फोन त्रिभुवन विमानस्थल भन्सार कार्यालयमा दाखिला गरेको प्रहरी उपरीक्षक भट्टराईले बताए