भैरहवा , रुपन्देहीमा प्रहरीले एकजनालाई लागूऔषध गाँजा ७ के जी १ सय ग्रामसहित पक्राउ गरेको छ । कञ्चन गाउँपालिका–२ स्थित कटैया बस्ने ४८ वर्षिय पाचु मल्लाहलाई नियन्त्रणमा लिइएको प्रहरीले जनाएको छ ।

जिल्ला प्रहरी कार्यालय, रुपन्देहीका सूचना अधिकारी तथा प्रहरी नायव उपरीक्षक ९डीएसपी० कृष्ण कुमार चन्दका अनुसार शुक्रबार पाचु मल्लाहको घरमा गाँजाको कारोबार भइरहेको छ भन्ने प्रहरीलाई गोप्य सूचना प्राप्त भएको थियो ।

उक्त सूचनाको आधारमा इलाका प्रहरी कार्यालय रुद्रपुरबाट खटिएको टोलीले पाचुको घरमा कानूनबमोजिम खानतलासी गर्ने क्रममा पूजाकोठामा लुकाईछिपाई राखेको गाँजा फेला परेको थियो । उक्त गाँजासहित पाचुलाई प्रहरीले नियन्त्रणमा लिइएको हो । सो सम्बन्धमा थप अनुसन्धान जारी रहेको डीएसपी चन्दले जानकारी दिनुभयो ।