काठमाडौं ।
एक हजार भन्दा बढी अधिकृत पदका लागि लोक सेवा आयोगले विज्ञापन आह्वान गरेको छ । आयोगले प्रशासन, लेखा, राजश्व, परराष्ट्र, न्याय, संसदलगायत सेवाका लागि कूल १ हजार ९६ पदमा आज विज्ञापन खुलाएको हो ।
यसमध्ये खुलाबाट ४१९ र बढुवाबाट ३२८ जनाको पदपूर्ति हुनेछ बाँकी ३४९ जना भने विभिन्न समावेशी समूहका लागि छुट्याइएको छ । गत वर्ष कर्मचारी समायोजनका कारण प्रशासन सेवा तर्फ पदपूर्ति नभएको हुनाले यस वर्ष बढी संख्यामा माग गरिएको आयोगले जनाएको छ ।
आन्तरिक बढुवाका लागि आवेदन दिने म्याद आगामी पुस २९ गतेसम्म छ । खुल्ला तथा समावेसी पदमा प्रतिस्पर्धा गर्नेहरुका लागि भने पुस १५ गतेसम्म म्याद दिइएको छ ।