बुटवल,

अर्घाखाँची जिल्ला मालारानी गाउँपालिका वडा नं ९ गोखुङ्गा तल्लाहल्दे निवासी मोहन थापाको उपचारको लागि ड्रिम भिजन स्कुल अफ फर्साटिकर कक्षा ९ का विद्यार्थीहरुले आर्थिक सहयोग हस्तान्तरण गरेका छन् ।

दुई वर्ष पहिले आफ्नो घरको ऋण तिर्नको लागि साउदी अरब पुगेका मोहन गएको केही महिनापछि खुट्टा झमझमाउन थालेको र विस्तारै कम्मरबाट तल चल्न छोडेपछि साउदी अरबको हस्पिटलमा उपचार गराउँदा निको नभएपछि अरबमा रहेका प्रवासी नेपालीहरुको सक्रियताले नेपाल रकम पठाएका थिए ।

काठमाडौँमा रहेको अन्नपूर्ण न्यूरो हस्पिटलको रिपोट अनुसार ढाडमा ट्युमर भएको र त्यसमा केही क्यानसरको सङ्केत देखा परेको हुदा डाक्टरको सल्लाह अनुसार अप्रेसन गरी लामो समयसम्म औषधी खानुपर्ने र डाक्टरको रेखदेखमा रहे रोग निको हुने प्रबल सम्भावना भएको जानकारी पाएपछि मोहन थापाका बाबा मालारानी रुपन्देही सम्पर्क समाजको सम्पर्कमा आइ मोहन थापालाई बचाइदिन आग्रह गरेका छन् ।

मानवीय सेवा नै धर्म ठानी मालारानी रुपन्देही सम्पर्क समाजले मोहन थापा बचाउ अभियान सञ्चालन गरेको छ । त्यसै अभियानलाई साथ दिदै ड्रिम भिजन स्कुलका छात्र छात्राले आफ्नो खाजाखर्च कटाई अभियानका सदस्य मालारानी रुपन्देही सम्पर्क समाजका उपाध्यक्ष कृष्ण प्रसाद पाण्डेलाई एक कार्यक्रमका बीच ८,१०५ रुपैया सहयोग गरेका छन्