धादिङ । धादिङको बेनिघाटमा ग्यास बुलेट दुर्घटना भएको छ । दुर्घटामा दुई पैदलयात्रीको मृत्यु भएको प्रहरीले जनाएको छ ।

काठमाडौँ आउँदै गरेको up75 AT5208 नम्बरको ग्यास बुलेट अनियन्त्रित भएको र दुई पैदलयात्रीलाई ठक्कर दिएर ग्यास बुलेटमा आगलागी भएको स्थानीय प्रत्यक्षदर्शीको भनाई छ ।

ग्यास बुलेटको ठक्करबाट पैदलयात्री गीता नेपाली र सुनिता नेपालीको मृत्यु भएको जिल्ला प्रहरी कार्यालय धादिङले जनाएको छ । गीताको घटनास्थलमै र सुनिताको उपचारको लागि अस्पताल लैजाँदै गर्दा बाटोमा मृत्यु भएको प्रहरीले जनाएको छ ।

ग्यास बुलेट अनियन्त्रित भएर पल्टिएको स्थानीयको भनाई छ । घटनास्थलमा स्थानीय, सेना, प्रहरी र सशस्त्र प्रहरी परिचालन भएका छन् । दुर्घटनाका कारण अहिले सडक अवरोध भएको छ । घटनाको विस्तृत विवरण आउन बाँकी छ।