बुटवल । धनगढीमा चलिरहेको धनगढी प्रिमियर लिग (डिपिएल) क्रिकेटको बुधबार भएको पहिलो खेलमा काठमाडौँ गोल्डेन्सले महेन्द्रनगर युनाइटेडलाई सात रनले पराजित गरेको छ।

पहिले व्याटिङ गरेको काठमाडौँले निर्धारित २० ओभरमा पाँच विकेट गुमाउँदै १ सय ३४ रन बनाएको थियो । उसका लागि अंकित दबासले ६५ रनको योगदान गरे ।

यस्तै १३५ रनको लक्ष्य पाएर जवाफी व्याटिङमा उत्रिएको महेन्द्र नगरले निर्धारित २० ओभरमा ८ विकेट गुमाएर १ सय २७ रन मात्रै बनाउन सकेको हो।

उसका लागि अमरसिंह रौटेलाले २८ र शरद भेषवाकरले २३ रन जोडे पनि अरुले उल्लेख्य प्रदर्शन गर्न सकेनन्।