अर्घाखाँची । अर्घाखाँचीको मालारानी गाउँपालिकामा २ वटा सकेट बम भेटिएको छ ।

मालारानीको वडा नम्बर-३ खनदह गुहेली भन्ने ठाउँमा बम भेटिएको हो । २ वटा सकेट बम भेटिएको र नेपालीसेनाको टोलीले सुरक्षित ठाँउमा लगेर पड्काएको जिल्ला प्रहरी कार्यालय अर्घाखाँचीले बताएको छ ।

गुफामा शंकास्पद बस्तु रहेको भनेर स्थानियले प्रहरीलाई खबर गरेपछि प्रहरी पुगेको र सुचनाका आधारमा खोज्दा २ वटा सकेट बम भेटिएको तथा त्यसलाई सुरक्षित स्थानमा लगेर पड्काईएको जिल्ला प्रहरी कार्यालय अर्घाखाँचीका प्रहरी नायव निरिक्षक खिमबहादुर घर्ति मगरले जानकारी दिए ।

प्रहरी नायव निरिक्षक घर्तिका अनुसार भेटिएका सकेट बम अहिलेका नभई, द्वन्दकालमै लुकाएर राखिएको पुरानो बम रहेको अनुसन्धानमा पत्ता लागेको हो ।

उक्त सकेट बम द्धन्दकालमा छाडिएको र खियालागेको अबस्थामा भेटिएको प्रमुख जिल्ला अधिकारी प्रेमलाल लामिछानेले जानकारी दिए ।

जिल्लाभर कुनै पनि स्थानमा शंकास्पद बस्तु देखीए नेपाल प्रहरीलार्ई खबर गर्न समेत उनले आग्रह गरेका छन । बमलाई नेपाली सेनाको डिस्पोजल टोलिले डिस्पोज गरेको हो।