कावासोती।
नवलपुरको कावासोतीमा गयराती भएको मोटरसाइकल दुर्घटनामा एक जनाको मृत्यु भएको छ । मृत्यु हुनेमा कावासोती नगरपालिका वडा नम्बर ३ बस्ने ओमबहादुर अधिकारी रहेको जिल्ला प्रहरी कार्यालय नवलपुरले जानकारी दिएको छ ।
अधिकारीले चलाएको लु ४३ प १९०७ नम्बरको मोटरसाइकल कावासोती ४ हसौरामा आफै अनियंत्रित भैइ पल्टिएको थियो । उनको घटनास्थलमा नै मृत्यु भएको प्रहरीको भनाई छ ।
हिजो राती नै दुर्घटनामा परेका अधिकारीको शब आज बिहान मात्र स्थानियले देखेपछी प्रहरीलाई खबर गरेका थिए। अधिकारी मोटरसाइकल सहित सडकसङ जोडिएको कुलोमा खसेको प्रहरीले जनाएको छ । मृत्यु भएका अधिकरी निर्माण ब्यबसायी हुन् ।