जनता टुडे/बुटवल

प्रधानमन्त्री केपी शर्मा ओलीले १३ औं दक्षिण एसियाली खेलकुद (साग) प्रतिगोगितामा स्वर्ण जित्ने खेलाडीलाई जनही नौं लाख रुपैयाँ पुरस्कार दिने घोषणा गर्नुभएको छ । विजयी खेलाडीलाई बोलाएर प्रधानमन्त्री केपी ओलीले दुई भन्दा बढी स्वर्ण जित्ने खेलाडीलाई ११ लाख र एक स्वर्ण जित्ने खेलाडीलाई नौं लाख पुरस्कारको घोषणा गर्नुभएको हो।

प्रधानमन्त्री ओलीले रजत विजेता खेलाडीलाई ६ लाख र कास्य जित्ने खेलाडीलाई तीन लाख रुपैयाँ सरकारको तर्फबाट पुरस्कार दिने घोषणा गर्नुभयो । टिम इभेन्ट तर्फ भने स्वर्ण जित्ने खेलाडीले जनही पाँच लाख पुरस्कार पाउने छन् ।

अघिल्लो सागमा सरकारले स्वर्ण विजेतालाई पाँच लाख, रजतलाई तीन र कास्यलाई दुई लाख दिएको थियो ।

मंगलबार समापन भएको सागमा नेपालले ५१ स्वर्ण जितेको थियो । १३ औं सागमा नेपालले कुल पदक भने २०६ वटा जितेको छ। सागमा भारतले १७४ वटा स्वर्ण जितेको थियो । तेस्रो भएको श्रीलंकाले ४०, पाकिस्तान ३१, बंगलादेश १९, माल्दिभ्स १ स्वर्ण जितेको थियो ।