जनता टुडे
बुटवल ।
प्रदेश नम्बर ५ मुख्यमन्त्री तथा मन्त्रीपरिषद्को कार्यालयमा आज बसेको बैठकले ३ वटा निर्णय सार्बजनिक गरेको छ । विज्ञापन तथा विज्ञापन सम्बन्धी व्यवसाय नियमन गर्न र विज्ञापन कर संकलन गर्न बनेको विधेयक स्वीकृत गरेको छ ।
त्यसैगरी रुपन्देही र बाँकेमा पर्यटन कार्यालय स्थापना गर्ने निर्णय पनि बैठकले गरेको उद्योग पर्यटन बन तथा बातावरण मन्त्री लिला गिरीले जानकारी दिनुभयो ।
बैठकले विभिन्न अस्पतालका अध्यक्ष एवं सदस्यहरुलाई नियुक्त समेत गरेको छ । बर्दिया अस्पतालको अध्यक्षमा अंगद श्रेष्ठ, पाल्पा अस्पतालको अध्यक्षमा नेत्र प्रसाद पाण्डेय, रामपुर अस्पालको अध्यक्षमा बासुदेव शर्मालाई बैठकले नियुक्ती गरेको हो ।
त्यसैगरी पृथ्वी चन्द्र अस्पताल नवलपरासीको महिला सदस्यमा सरिता पौडेल, रामपुर अस्पतालमा ईश्वरी देवी खनाल, पाल्पा अस्पतालमा शुसिला देवी श्रेष्ठलाई महिला सदस्यमा नियुक्ती गरिएको उहाँले जानकारी दिनुभयो ।