बुटवल -कोरोना भाइरसको संक्रमण फैलिरहेको बेला नेपालमा यसको जोखिमबाट जोगिन सतर्कता अपनाउन रुपन्देही सुनचाँदी व्यबसायी संघले आग्रह गरेको छ ।संघका अध्यक्ष एम. बी. विश्वकर्माद्धारा शनिबार जारी विज्ञप्तिमा नेपाल पनि यसको उच्च जोखिममा रहेकाले सर्तकता अपनाउन धेरै आवश्यक रहेको जनाइएको छ ।

नेपाल भारत खुल्ला सीमाका कारण अहिले सचेत नभएमा संक्रमण फैलिन सक्ने औल्याउदै विज्ञप्तिमा स्वास्थ्य उपचारको लागि आवश्यक सामाग्रीको उचित व्यबस्थापनमा ध्यान दिन सरोकारवाला निकायलाइ आग्रह गरिएको छ ।

संक्रमण फैलिन नदिन हरेक नागरिक हरु पनि सतर्क रहन जरुरी रहेको भन्दै अनावश्यक अफावाहको विश्वास नगर्न र धैर्यपुर्वक सजग रहन समेत अपिल गरिएको छ ।