बुटवल

होटल तथा रेष्टुरेण्ट व्यवसायी संघ रुपन्देहीले सामाजिक उत्तरदाईत्व अन्तर्गत आयोजना गरेको रक्तदान कार्यक्रममा ६५ जनाले रक्तदान गरेका छन ।

रक्त संचार सेवा केन्द्र बुटवलमा सोमवार गरिएको रक्तदान कार्यक्रममा व्यवसायीको उल्लेख्य उपस्थिती रहेको थियो ।

कोरोना भाईरसले गर्दा विश्व नै आतकिंत भएको समयमा रक्तदान गरेर रगतको अभावमा कोही कसैको ज्यान जान नपरोस भन्ने भावनालाई मनन गरि कार्यक्रम आयोजना गरिएको संघका अध्यक्ष समुन्द्र जिसीले बताउनु भयो ।

संघका सहकोषाध्यक्ष चिरन्जीवी पोखरेलको संयोजकत्वमा भएको रक्तदान कार्यक्रममा संघका पुर्व अध्यक्ष महेन्द्र श्रेष्ठ, निवर्तमान अध्यक्ष मोदनाथ वेल्वासे, वरिष्ठ उपाध्यक्ष जीवन कुमार श्रेष्ठ, प्रथम उपाध्यक्ष वाबुराम गौतम द्धितृय उपाध्यक्ष रोमकान्त पाण्डे महासचिव माधव कुमार खनाल सचिव मोहनलाल पाण्डे कोषाध्यक्ष टंकप्रसाद पराजुली प्रकाश, संघका पुर्व सचिव लेखनाथ भण्डारी कार्यालय प्रमुख टिकाराम ज्ञवाली , संघका कार्यसमिति सदस्य तथा व्यवसायीहरुको सहभागिता रहेको थियो । रक्तदान गर्नेहरुलाई अध्यक्ष जिसी र संयोजक पोखरेलले प्रमाणपत्र प्रदान गर्नु भएको थियो ।