काठमाडौं- विश्वमा कोरोना संक्रमणका कारण मृत्यू हुनेको संख्या २ लाख ६ हजार नाघेको छ । सोमबार विहान सम्मको तथ्याङ्क अनुसार कोरोना संक्रमण हुनेको संख्या २९ लाख ६८ हजार ६ सय २७ र मृतकको संख्या २ लाख ६ हजार ९ सय ७३ पुगेको हो ।

वल्डोमिटरस्को विहान सम्मको तथ्याङ्क अनुसार संक्रमितको संख्या अमेरिकामा सर्वाधिक छ। त्यहाँ ९ लाख ६४ हजार ९ सय ३७ पुगेको छ।

त्यस्तै, स्पेनमा २ लाख २६ हजार ६ सय २९, इटालीमा १ लाख ९७ हजार ६ सय ७५, फ्रान्समा १ लाख ६२ हजार २ सय २०, जर्मनीमा १ लाख ५७ हजार ७ सय ७०, बेलायतमा १ लाख ५४ हजार ३७, टर्कीमा १ लाख १० हजार १ सय ३० लाई संक्रमण पुष्टि भएको छ।

विश्वभर ज्यान गुमाउनेको संख्या २ लाख ६ हजार ४ सय २ पुगेको छ। मृत्यु हुनेको संख्या पनि अमेरिकामा नै सर्वाधिक छ। त्यहाँ मृत्यु हुनेको संख्या ५५ हजार नाघेको छ।

त्यस्तै, इटालीमा २६ हजार ६ सय ४४, स्पेनमा २२ हजार ८ सय ५६, बेलायतमा २० हजार ७ सय ३२ को मृत्यु भइसकेको छ। संक्रमितहरु निको हुने क्रम पनि बढेको छ। हालसम्म ८ लाख ६४ हजार १ सय २२ जना निको भइसकेका छन्।

नेपालमा पनि ५२ जनालाई कोरोना संक्रमण पुष्टि भइसकेको छ।