काठमाडौं,

मुग्लिन-नारायणगढ सडकखण्डस्थित जलवीरेमा पहिरो खसेको छ।

इच्छाकामना गाउँपालिका वडा नम्बर ६ मा सोमबार पहिरो खसेपछि सवारी साधन रोकिएका थिए। लकडाउनका बेला सडकमार्गमा चलेका एम्बुलेन्सलगायत अत्यावश्यक सवारी साधन केहीबेर रोकिएका हुन्।

अहिले पहिरो पन्छाउने काम भइरहेको छ। जिल्ला प्रहरी कार्यालय चितवनका प्रहरी नायव उपरीक्षक एकनारायण कोइरालाले पहिरो पन्छाएर सडक एकतर्फी खुलाइएको जानकारी दिए।

पहिरो पन्छाउँदैछौं, केहीबेरमा दुवैतर्फ सडक सुचारू हुन्छ,’ उनले सेतोपाटीसँग भने, ‘पहिरोसँगै रूख पनि ढलेको छ। रूख काटेर पन्छाउँदै छौं।’