काठमाडौं-  प्रधानमन्त्री केपी शर्मा ओलीलाई प्रतिनिधिसभालाई सम्बोधन गर्ने क्रममा उभिन गाह्रो भएपछि कुर्सीको व्यवस्था गरिएको छ ।

मंगलबार संसद्मा नीति तथा कार्यक्रममाथिको छलफलका क्रममा उठेका प्रश्नहरूको जवाफ दिनेक्रममा ओलीको स्वास्थ्यमा समस्या देखिएको हो ।

खुट्टामा समस्या देखा परेपछि ओलीले सभामुखलाई आफूलाई उभिन गाह्रो भएको बताएका थिए । ‘सभामुखज्यू मलाई उभिएर बोल्न गाह्रो भयो । स्वास्थ्यका कारण गाह्रो भयो । अपरेसन गरेकाले समस्या भएको छ,’ उनले भने ।

प्रधानमन्त्रीलाई गाह्रो भएपछि सभामुख अग्निप्रसाद सापकोटाले संसदका महासचिवलाई कुर्सीको व्यवस्था गरिदिन निर्देशन दिएका थिए ।

रोष्ट्रममा उभिएर सम्बोधन गरिरहेका प्रधानमन्त्रीलाई कुर्सीको व्यवस्था गरिएपछि उनले निरन्तर सम्बोधन गरिरहेका छन् ।