काठमाडौं- विश्वमा कोरोना भाइरस संक्रमणबाट हाल सम्म ३ लाख ५१ हजार बढीको मृत्यू भएको छ ।

५६ लाख ७८ हजारभन्दा बढी संक्रमित भएका छन् ।

यो समाचार तयार पार्दासम्म पछिल्लो २४ घण्टामा ९४ हजार २ सय २४ नयाँ संक्रमित थपिएका छन् ।

योसँगै संक्रमितको संख्या ५६ लाख ७८ हजार १४६ पुगेको हो ।

यस्तै एकैदिन अरू ४ हजार २५ जनाको मृत्यु हुँदा ज्यान गुमाउनेको संख्या ३ लाख ५१ हजार ६६७ पुगेको छ ।

विश्वका २१३ मुलुक र २ वटा पानीजहाजमा फैलिएको कोरोना भाइरसबाट संक्रमितमध्ये २४ लाख २८ हजार १ सय ३२ जना संक्रमण मुक्त भएका छन् ।

वुधबार बिहान सम्ममा कोरोना भाइरसकै संक्रमणबाट युरोपियन मुलुकहरुमा १ लाख ६९ हजार ६०१ जनाको मृत्यु भएको छ ।

१९ लाख ३४ हजार ८१ जना संक्रमित भएकोमा ९ लाख १२ हजार ५५८ जना संक्रमणमुक्त भएका छन् ।

उत्तर अमेरिकी मुलुकहरुमा १ लाख १६ हजार १३६ जनाको मृत्यु भएको छ ।

संक्रमितको संख्या १९ लाख २६ हजार ४९२ पुगेको छ । त्यसमध्ये ५ लाख ९३ हजार ८२७ जना संक्रमणमुक्त भएका छन् ।