काठमाडौं- प्रधानमन्त्री केपी शर्मा ओलीले जघन्य घटनाका अपराधीलाई कारवाही गर्नेमा सरकारले कुनै सम्झौता नगर्ने बताएका छन् ।

छुवाछूत विरुद्धको राष्ट्रिय दिवसका अवसरमा शुभकामना सन्देश दिदै ओलीले छुवाछूतसम्बन्धी जघन्य घटनाका अपराधीलाई कडाभन्दा कडा सजाय दिन सरकार दृढतापूर्वक लागेको बताएका हुन् ।

उनले जातीय छुवाछूत, विभेद वा छुवाछूतको पीडामा परेको निश्चित समुदायको मात्र नभई हरेक व्यक्ति, परिवार, समाज र राष्ट्रको समस्या रहेको भन्दै जातीय छुवाछूतका पीडितको मानव अधिकार संरक्षण गर्न, हिंसा अन्त्य गर्न सम्पूर्ण व्यक्ति, परिवार, समाज र सम्बन्धित सबै निकायलाई संवेदनशील हुन आग्रह गरे ।

प्रधानमन्त्री ओलीले सरकारले ’समृद्ध नेपाल, सुखी नेपाली’ को संकल्पको बाटोमा पुग्न भेदभावरहित सामाजिक न्याय र समानतासहितको समृद्धिलाई आफ्नो उद्देश्य बनाएको समेत बताए ।