कञ्चन
रुपन्देहीको कञ्चन र गैडहवा गाउपालिकामा हिजो सोमवार देखि ६ महिना उमेर देखि ५ बर्ष सम्मका बालबालिकाहरुलाई भिटामिन ए खुवाइएको छ । हरेक बर्ष कार्तिक र बैसाखमा गरी बर्षको दुइपटक नियमित रुमपा राष्ट्रिय भिटामिन ए कार्यक्रमको आयोजना गरी बालबालिकाहरुलाई खुवाइदै आइरहेको भिटामिन ए कोरोना भाइरस संक्रमणको जेखिमका कारण यस बर्षको दोश्रो चरणको कार्यक्रम असारमा खुवाइएको हो ।
गैडहवा र कञ्चन गाउपालिकाका राष्ट्रिय भिटामिन ए कार्यक्रममा १ बर्ष पुरा भई ५ बर्ष उमेर ननाघेका करिब ९ हजार बालबालिकाहरुलार्ई जुकाको औषधी र जन्मेको ६ महिना पुरा भई २३ महिना उमेर सम्मकालाई बालभिटा खुवाइनेछ । गैडहवा गाउपालिकामा ५ हजार ४० जना बालबालिकाहरुलाई ३६ वटा खोप केन्द्रहरुमा भिटामिन ए,जुकाको औषधी र बालभिटा खुवाइएने गैडहवा गाउपालिका स्वास्थ्य शाखाका सूचना अधिकारी सुरेन्द्र चौहानले जानकारी दिनु भएको छ भने कञ्चनमा करिब ४ हजार बालबालिकाहरुलाई २९ वटा खोप केन्द्रहरुमा भिटामिन ए,जुकाको औषधी र बालभिटा खुवाइएको कञ्चन गाउपालिकाका स्वास्थ्य शाखा प्रमुख राम प्रसाद गौतमले जानकारी दिनु भएको छ ।
यसैगरी रुपन्देहीमा करिब ९६ हजार १ सय ७२ जना बालबालिकाहरुलाई भिटामिन ए,जुकाको औषधी र बालभिटा खुवाइने जिल्ला जनस्वास्थ्य कार्यलय रुपन्देहीका सूचना अधिकारी भेषराज शर्माले जानकारी दिनु भएको छ ।
स्वास्थ्य सेवा विभाग परिवार स्वास्थ्य महाशाखा पोषण शाखा प्रमुख केदार पराजुलीका अनुसार पहिलो चरण अन्तर्गत ७५३ वटै स्थानीय तहका ६ महिनादेखि ५ वर्षसम्मका २७ लाख बालबालिकालाई भिटामिन ए र पाँच वर्षसम्मका २४ लाख बालबालिकालाई जुकाको औषधि ९अलबेन्डाजोल० खुवाइने जानकारी गराएका छन। साथै छ महिनादेखि दुई वर्षसम्मका बालबालिकालाई बालबिटा बांडिएको छ।