काठमाडौं ।
नेपाल प्रहरीका ३३ प्रहरी वरिष्ठ उपरीक्षक (एसएसपी) को एकसाथ सरुवा भएको छ । गृह मन्त्रालयले शुक्रबार सरुवा सूची प्रकाशित गरको हो ।
जसअनुसार महानगरीय प्रहरी प्रमुखमा अशोक सिंह आएका छन् ।

महानगरीय प्रहरी प्रमुख श्यामलाल ज्ञवालीलाई प्रहरी प्रधान कार्यालय, अपराध अनुसन्धान विभाग, अपराध नियन्त्रण महाशाखामा सरुवा गरिएको छ भने महानगरीय प्रहरी परिसर, ललितपुरमा किरण बज्राचार्यलाई लगिएको छ ।

ललितपुरमा रहेका टेकप्रसाद राईलाई प्रहरी प्रधान कार्यालय, कार्य विभाग कार्य महाशाखा नक्सालमा सरुवा गरिएको छ । महानगरीय ट्राफिक प्रहरी शाखाको प्रमुखमा एसएसपी जनक भट्टराईलाई लगिएको छ भने

त्यहाँ रहेका एसएसपी भीम ढकाललाई प्रहरी प्रधान कार्यालय, सामुदायिक प्रहरी महाशाखामा लगिएको छ ।