बुटवल
शैक्षिक सामाग्रि विक्रि गर्नेगरी सञ्चालन गरिएको डेल्टा एजुकेशन मार्टले अन्नपूर्ण हाइपर मार्केटीङ्संग साझेदारी गरी एउटै छानामुनी शैक्षिक, खेलकुद तथा फर्निसिङ्का सामाग्रि बिक्रि पसल सञ्चालनको तयारी गरिएको छ । लुम्बिनी प्रदेशमा सबैभन्दा ठूलो करदाता बन्ने लक्ष्य सहित मार्ट सञ्चालनको लागि डेल्टा एजुकेशनल मार्ट प्रालीले ५६ जना शेयर सदस्यबाट ३४ करोड लगानी गरेको छ भने अन्नपूर्ण हाईपर मार्केटिङ् प्रालीले ५ करोड लगानी गरेको छ ।
आधुनिक मार्ट संस्कृतिमा उपभोक्ताको आकर्षण बढ्दै गएको पछिल्लो समयमा यसको व्यापकतालाई पहिचान गरि डेल्टा एजुकेशनल मार्ट प्रा।ली। र अन्नपूर्ण हाईपर मार्केटिङ् प्रालीले साझेदारी गरिएको डेल्टा एजुकेशनल मार्ट प्रालीका अध्यक्ष लोकनाथ उपाध्यायले जानकारी गराउनु भयो ।
व्यस्त मानवजीवनलाई सहजता प्रदान गर्नेगरी बुटवलको मिलनचोकमा सुरु गर्न लागिएको दुई संस्थाको एकद्वार प्रणालीको सेवा यहि माघको १२ गते सोमबार शुभारम्भ गरिने छ । मार्टका बारेमा जानकारी गराउन शनिबार बुटवलमा आयोजना गरिएको पत्रकार सम्मेलनमा डेल्टा एजुकेशनल मार्टका अध्यक्ष उपाध्यायले लघु उद्यमी तथा स्थानीय उत्पादनलाई प्राथमिकता दिई व्यबसाय सञ्चालन गरिने बताउनु भयो ।
मार्टको पहिलो तलामा ग्रोसरीसहित फलफूल, तरकारी तथा माछामासुजन्य सामाग्रि राखिनेछ । त्यस्तै दोस्रो तलामा शैक्षिक सामाग्रि र तेस्रो तलामा खेलकुद तथा फर्निचरका सामाग्रि राखिने जानकारी गराईएको छ । एउटै छानामुनी सबै प्रकारका सामाग्रि पाईने र ठूलो परिणामा खरिदबिक्रि समेत हुनेभएकोले उपभोक्ताले बाहिरको बजारमा भन्दा सस्तो मुल्यमा सामान पाउने उहाँले दावी गर्नुभयो ।
पत्रकार सम्मेलनमा अन्नपूर्ण हाईपर मार्केटिङ्का अध्यक्ष तथा प्रवन्ध निदेर्शक चोलाकान्त पाठकले दैनिक ज्यालामजदुरी गरि खानेदेखि प्रतिष्ठित घरानाको समेत आवश्यकता पूरा गर्ने गरी मार्ट सञ्चालन गरिने भएकोले लो, मिडियम र हाई प्राईजका सामान राखिने बताउनु भयो । मार्टले स्वदेशी, लघु तथा स्थानीय उत्पादनलाई प्राथमिकता दिएको र उपभोक्ताको चाहना अनुसार विदेशी उत्पादन समेत मार्टमा राखिने उहाँले बताउनु भयो ।