काठमाडौं । नेकपा एमालेका नेता माधव कुमार नेपालले दासढुंगा घटनाको यथार्थ पत्ता लगाउन सम्बन्धित पक्षलाई आग्रह गरेका छन् । आज (सोमबार) मदन-आश्रित स्मृति दिवसको अवसरमा विज्ञप्ति जारी गर्दै उनले जननेता कमरेड मदन भण्डारी र कमरेड जीवराज आश्रितको रहस्यमय दासढुंगा जीप दुर्घटनामा दुःखद् निधन भएको २८ वर्ष बितिसक्दा पनि उक्त घटनाको रहस्य बाहिर नआएको भन्दै सत्यतथ्य बाहिर ल्याउन माग गरेका हुन् ।

३ जेठ २०५० मा चितवनको नारायणगढ-मुग्लिन सडकखण्डअन्तर्गत दासढुंगामा भएको रहस्यमय जिप दुर्घटनामा मदन-आश्रित मारिएका थिए । सो घटनायता एमाले पार्टी नै पटक–पटक सरकारमा पुुगे पनि सत्यतथ्य पत्ता लगाउन सकेको छैन ।

नेता नेपाल प्रधानमन्त्री भएका बेला पनि योबारे कुनै प्रकृया अघि वढ्न सकेको थिएन । अहिले उनै पार्टीका एक नेता केपी शर्मा ओली प्रधानमन्त्ती र भण्डारी पत्नी विद्यादेवी भण्डारी राष्ट्रपति पदमा आसिन छन् ।