काठमाडौ

प्रमुख प्रतिपक्षी नेपाली कांग्रेसले आचारसंहिता उलंघन गरेको आरोपमा निर्वाचन आयोगले प्रधानमन्त्री केपी शर्मा ओलीमाथि कारबाही गर्नुपर्ने जनाएको छ।कांग्रेस संसदीय दलको बुधबार बसेको बैठकपछि बोल्दै प्रमुख सचेतक बालकृष्ण खाँणले यस्तो बताएका हुन्।

निर्वाचन आयोगले बागमती प्रदेशको राष्ट्रियसभा उपनिर्वाचनका लागि मंगलबार रातिदेखि मौन अवधि लागू गरेको अवस्थामा प्रम ओलीले बुधबार आफ्ना उम्मेदवार रामबहादुर थापा बादललाई जिताउन भन्दै अपिल निकालेका थिए।यही अपीललाई लिएर कांग्रेसले प्रधानमन्त्रीमाथि कारबाही हुनुपर्ने अडान लिएको हो। भोलि राष्ट्रियसभाको उपनिर्वाचन छ, त्यही भएर आज प्रचार गर्न पाइँदैन। आचारसंहिता उलंघन गरेर जुनखालको मत माग्ने काम भएको छ, त्यो गलत छु, खाँणले भने, त्यसको नेपाली कांग्रेस भर्त्सना गर्दछ। निर्वाचन आयोगले आचारसंहिता उलंघन गर्ने जोसुकैलाई कारबाही गर्नुपर्छ।

बागमतीमा राष्ट्रियसभाको उपनिर्वाचन भोलि हुँदैछ। त्यसमा एमालेबाट बादल र माओवादी(कांग्रेसको समर्थनमा एमालेकै माधवकुमार नेपालनिकट डा। खिमलाल देवकोटा चुनावी मैदानमा छन्।