देवदह -राष्ट्रिय युवा संघ देवदहले आयोजना गरेको राहत वितरण कार्यक्रम अन्तर्गत हाल सम्म १ सय १५ घर धुरीलाई राहत वितरण गरेको छ।

देवदह नगरपालिका अन्तर्गत ४,६,१०,११ र १२ वडाका दैनिक ज्यालादारी गरि खाने विपन्न वर्गका १ सय १५ घर धुरीलाई अत्यावश्यक खाद्यान्न सामाग्री वितरण गरिएको हो ।

कोरोना महामारीका कारण निषेधाज्ञा जारी रहदा दैनिक ज्यालादारी गरि खाने मजदुर वर्ग र अति विपन्न वर्गका परिवारलाई प्रत्यक्ष असर परेको र यो महामारीको संकटमा रोगले भन्दा भोकले कोहि पनि मर्न नपरोस भन्ने उदेश्यले राहत वितरण गरिएको राष्ट्रिय युवा संघ नेपाल रुपन्देहीका जिल्ला सह संयोजक समेत रहेका राहत वितरण समितिका संयोजक विकास गहतराजले जानकारी दिनुभयो।