तिलोत्तमा

रुपन्देहीको तिलोत्तमा वडा नं–३ मा रहेको कालीगण्डकी बचत तथा ऋण सहकारी संस्थाले शनिबार रक्तदान कार्यक्रम गरेको छ । सहकारीको बार्षिक नियमित कार्यक्रम अन्तर्गत ४५ जनाले रक्तदान गरेका छन । नेपाल रक्त संचार केन्द्र बुटवलको प्राबिधिक सहयोगमा कार्यक्रम गरिएको हो ।

सहकारीको सामाजिक उत्तरदायित्व अन्तरगत रक्तदान कार्यक्रम गरिएको भन्दै सहकारीका अध्यक्ष यज्ञ प्रसाद सापकोटा ले मानवीय सेवा भावको विकास गर्न रक्तदान कार्यक्रम ले मद्धत गर्ने बताउनुभयो ।

रक्तदाताहरुलाई कार्यक्रम का प्रमुख अतिथि तिलोत्तमा वडा नं ३का अध्यक्ष टंक प्रसाद तिवारीले प्रमाणपत्र वितरण गर्नुभएको थियो । सो अबसरमा स्वास्थ्य उपसमिति संयोजक प्रभा भन्डारी, उपाध्यक्ष, सचिव, कोषाध्यक्ष, कार्यसमितिका सदस्यहरु साथै बिभिन्न उपसमिति संयोजक तथा सदस्यहरु, सल्लाहकारहरु, शेयर सदस्यहरु, कर्मचारी लगायत स्वास्थ्यकर्मीहरुको उपस्थिति रहेको थियो ।