बुटवल

नेपाल ट्रेड युनियन काँग्रेस तिलोत्तमा नगर कमिटिले आज तिलोत्तमा नगरपालिकाका नगरप्रमुख र वडा नं. १४ का वडाध्यक्षलाइ बधाइ तथा सम्मान कार्यक्रम गरेको छ । तिलोत्तमाका नगरप्रमुख रामकृष्ण खाण र ट्रेड युनियन काँग्रेस तिलोत्तमा नगर कमिटिका सल्लाहकार समेत रहेका वडा नं. १४ का वाड अध्यक्ष आश्विन पौडयाललाइ ट्रेड युनियन नगर कमिटि अध्यक्ष भरत भुसालले सम्मान पत्र र खादा लगाएर सम्मान गर्नु भएको हो । सो अवसरमा बोल्दै नगरप्रमुख खाणले तिलोत्तमालाइ श्रमिक मैत्री नगर बनाउने र श्रमको सम्मान र उचित मुल्याङ्कन हुने परिपार्टीको विकास गर्ने बताउनु भयो । राजनीतिक आस्थाका आधारमा कसैलाइ पनि काखापाखा नगरी समग्र श्रमीकहरुसंग सहकार्य गरेर अगाडी बढ्ने उहाँले प्रतिवद्धता जनाउनु भयो । कार्यक्रममा सल्लाहकार तथा वडा नं. १४ का वडाध्यक्ष आस्विन पौडेल, ट्रेड युनियन नगर कमिटि अध्यक्ष भरत भुसाल सचिव राजकुमार वाग्ले लगायतले नवनिर्वाचित जनप्रतिनिधहरुलाइ बधाइ तथा सुभकामना दिनु भएको थियो ।