लुम्बिनी,
नेपालका लागि भारतीय राजदूत नवीन श्रीवास्तवले भैरहवा
स्थित गौतमबुद्ध अन्तर्राष्ट्रिय विमानस्थलको हवाई रुटबारे सकारात्मक रूपमा छलफल अघि बढिरहेको बताएका छन् ।

योग दिवसको अवसरमा मंगलबार लुम्बिनीमा आयोजित कार्यक्रमलाई सम्बोधन गर्दै उनले भारत र नेपाल सरकारबीच हवाई रुटको बारेमा भइरहेको छलफल सकारात्मक रूपमा अघि बढिरहेको र सकारात्मक नतिजा आउने विश्वास ब्यक्त गरे ।

दुई देशबीचको सांस्कृतिक सम्बन्धलाई अघि बढाउन आवश्यक रहेको र सोही अनुसार भारत अघि बढिरहेको उनलेे बताए । उनले पछिल्लो समय योगा नेपाल र भारतमा मात्रै नभई विश्वभर नै फैलिनु खुसीको विषय भएको उल्लेख गरे ।

उनले भने, ‘योगले नेपाल र भारतलाई जोडेको छ, साथै यसले विश्वभर जोडिँदै गएको छ । योग भारत र नेपालमा मात्रै होइन, विश्वभर प्रचलित छ । हामी चाहन्छौँ की हरेक वर्ष २० जुन वा ३१ जुनमा लुम्बिनीमा योग दिवस मनाइयोस् । यो पहिलो पटक हो, अर्को वर्षमा पनि मनाउनेछौँ । सांस्कृतिक सम्बन्धलाई नेपालसँग कसरी अघि बढाउने भन्ने बारेमा पनि हामीले छलफल गरिरहेका छौँ । हवाई रुटको बारेमा हामीले छलफल गरिरहेका छौँ । यो छलफलबाट सकारात्मक वातावरण बन्नेछ ।’

भारतले हरेक वर्ष लुम्बिनीमा योग दिवस मनाउन चाहेको राजदूत श्रीवास्तले बताए ।