तमु ह्युल छाेज धि गुरूङ राष्ट्रिय परिषद् जिल्ला समिति रूपन्देहीले गुरूङहरूकाे महान पर्व ल्हाेसारमा विविध कार्यक्रम गर्ने भएकाे छ । बिहिवार जिल्ला परिषद् कार्यालय रामनगरमा पत्रकार सम्मेलन गरी गुरूङहरूकाे महान पर्व ल्हाेसारमा विविध कार्यक्रम गर्ने परिषद्ले जनाएकाे हाे । परिषदका वरिष्ठ उपाध्यक्ष रामबहादुर गुरूङकाे संयाेजकत्वमा जिल्लाभरिका इकाई समितिहरूले नगरका विभिन्न ठाउँमा सरसफाइ कार्यक्रम गर्ने जनाएको छ । यसैगरी पाैष १२ गते ८ बजे बिहान सदस्य शेर जंग गुरूङकाे संयाेजकत्वमा रक्तदान कार्यक्रम गर्ने जनाएको छ । त्यसतै १३ गते बिहान ८ बजे सचिव अाेम प्रकाश गुरूङ र सदस्य दूध बहादुर गुरूङकाे संयाेजकत्वमा मानव सेवा अाश्रम सुख्खानगरमा दान र जिल्लाभरी साँझ ५ बजे दीपावली गरिने जनाएको हाे । कार्यक्रममा १४ गते संगठन सचिव अाशा गुरूङ र सदस्य श्रीमाया गुरूङकाे संयाेजकत्वमा पुष्पलाल पार्कबाट बिहान १० बजे बृहत् झाँकीसहितको शान्ति र्याली नगर परिक्रमा गर्ने जनाएको छ । र्यालीपश्चात कार्यालय प्रांगढमा इकाईस्तरकाे नृत्य प्रतियाेगिता गरिने जनाएको छ । यसैगरी पाैष १५ गते बिहान ११ बजे उपाध्यक्ष गंगा गुरूङकाे संयाेजकत्वमा जिल्ला समिति कार्यालयकाे प्रांगढ रामनगरमा शहरी विकास मन्त्री सीता गुरूङकाे प्रमुख अातिथ्यतामा बृहत साँस्कृतिक कार्यक्रम र छेलाे प्रतियोगिताकाे पनि अायाेजना गरिएकाे मूल समिति संयाेजक बिमला गुरूङले जानकारी दिइन् ।