रुपन्देही

भैरहवा विमानस्थलमा ‘भिजिविलिटी’ नपुगेपछि जहाजमा चढिसकेका रविलाई झारेर प्रतीक्षा कक्षमा राखिएको मा फेरी दोश्रो पटक जहाजमा भैरहवा आउने तयारी भैरहेको छ ।

कास्की प्रहरीको हिरासतमा रहेका रविलाई आज रुपन्देही ल्याउने कार्यक्रम थियो। तर, प्रतिकूल मौसमका कारण भैरहवा विमानस्थलमा ‘भिजिविलिटी’ नपुग्दा बुद्ध एयरको जहाज चढिसकेका रविलाई झारेर प्रतीक्षा कक्षमा राखिएको जिल्ला प्रहरी कार्यालय रुपन्देहीका डिएसपी लक्ष्मी खनालले जानकारी दिइन्।

सहकारी ठगी प्रकरणमा पक्राउ परेका पूर्व गृहमन्त्री समेत रहेका रास्वपा सभापति लामिछानेलाई बिहान पौने ८ बजे नै पोखराबाट भैरहवा ल्याउने तयारीस्वरूप ५ बजे नै पोखरा एयरपोर्ट लगिएको थियो। तर, जहाज उड्न नसकेपछि उनलाई पोखरा विमानस्थलमै राखिएको हो।

विमानस्थल स्रोतका अनुसार बिहान भैरहवामा बोक्लो हुस्सु र कुहिरो लागेको थियो।
मौसममा क्रमिक सुधार हुदै गएकाले अहिले पुःन भैरहवा उडान हुन लागेको हो ।